Pleasure Island
Alam ni Graciella na hindi pa rin matatapos ang drama na namamagitan sa kanila ng dating nobyo at ng kapatid niya. To hell with them! Hindi na sakop ng care niya ang namamagitan sa dalawa. Ayaw na ayaw niyang pahintulutan ang sarili na mainvolve pa sa kung anong kadramahan na parang walang katapusan. Isang beses na komprontasyon ay sapat na. Ayaw na niyang balikan pa ang sakit, lalo na’t napagod na rin siya sa paulit-ulit na eksenang parang wala namang kahihinatnan. Tama na. Hindi niya kailangan iyon.
Pero ang kapal-kapal ng mukha ng lalaking iyon para sabihin pa sa kanya na kasalanan niya ang kinahinatnan ng relasyon nila. Hindi ba’t siya ang niloko? Siya ang pinagsabay? Siya ang nilapastangan ang tiwala? At ngayon, parang siya pa ang mali?
"She made me feel like a man,
