Binasa ko ang aking labi at napalingon sa aking katabi na ngayon ay natutulog kahit na may professor sa harapan.
Nakasubsob ang kaniyang mukha sa desk at ginamit pa niya ang kaniyang mga bisig para gawing unan at takpan ang kaniyang mukha.
Hindi ko alam kung ano ang nangyari sa kaniya. Halatang puyat na puyat.
Napapatingin naman sa gawi namin ang professor dito pero hindi naman siya nagsasalita at binabalewala lamang niya ang bagay na iyon.
Pakiramdam ko tuloy ay dahil ito sa sunod-sunod na gig nila. Wala kasi silang pahinga at madalas tumatanggap sila ng mga invitation.
Ang iba pa ngang gig nila ay umaabot sa ibang lugar. Kagaya sa Batangas, Pangasinan, La Union. Minsan pa nga ay umaabot sila sa Baguio para lang puntahan ang tinanggap nilang gig.
Gusto kasi nilang makilala nang paun
