Nakasimangot akong nagpunta sa coffee shop na medyo may kalayuan sa campus. Hindi ko nga maintindihan si Kiara kung bakit niya pa naisipang magpunta rito kung alam naman niyang medyo malayo ito sa campus.
Puwede naman kasing magkita na lang kami sa main library ng campus! Hindi iyong magpupunta pa kami sa sobrang layo.
Pinili ko rin munang hindi magpunta sa library ng department namin dahil paniguradong susundan ako ni Gillean.
Wala siya kanina dahil kinakailangan nilang mag-practice dahil papalapit na ang intrams. Mabilis din kasing lumipas ang buwan.
2nd year college na ako pero hanggang ngayon, hindi ko pa rin maiwasan si Gillean kahit pa hindi na ako natutulog sa kaniyang condo.
Hindi na rin naman siya natutulog sa aking condo pero nasa iisang hotel na ang condo namin. Ang malala
