Patakbo niya akong nilapitan at niyakap ng mahigpit. Tuluyan nang tumulo ang luha ko nang marinig ang paghikbi niya.
"Hindi ko alam ang gagawin ko kung mawawala ka, anak. Mababaliw na ako," mahina niyang sabi dahil umiiyak siya.
Humigpit ang yakap ko sa kanya. Parang ayaw kong bumitaw dahil natatakot ako. Natatakot ako na baka kapag binitawan ko siya maglalaho na lang siya bigla. Baka imahinasyon ko lang ang lahat at ang totoo ay nandoon pa talaga ako sa lumang talyer.
"You are safe now, Athena. Hindi na papayag si Daddy na masaktan ka ng iba. They will pay for this," aniya habang hinahaplos ang buhok ko. Mukha siyang kalmado, pero kilala ko siya. Alam kong galit na galit na siya sa mga oras na 'to.
"I'm sorry po. I'm sorry", humihikbi kong sabi. Kung masakit sa akin, alam kung masakit
