CHAPTER 36
“Ganito na lang, Nay. Tapusin na muna natin ang misyon ko, saka ka naming dadalhin doon. Ipakikita na lang namin sa’yo ang lugar kung saan kami nagtago ni Fate, okey lang ba? May mga bagay kasing mas mainam na ipakita at ipadama na lang kaysa ang ikuwento at ipaliwanag. Masyado kasing kumplikado eh.”
“Sige, kung iyon ang gusto ninyo.”
“Saan na tayo pupunta ngayon?” tanong ni Fate. Nakatingin sa akin sa rear mirror.
“Kumain kaya muna tayo? Magpahinga sandali saka natin isipin kung ano ang ating gagawin.”
Nagpalipas muna kami ng oras sa isang restaurant. Nakita kong napakaraming mga pasa at peklat si Nanay. Alam kong lahat ng iyon, si Damon at si Mayor ang may gawa. Binusog namin siya. Inaliw para naman makita na namin ang ngiti sa kanyang mukha. Hanggang sa nang mga bandang
