CHAPTER 35
“Ano ha? Papatayin na lang kaya kita kung hindi mo sa akin sasabihin kung nasaan ngayon ang anak mong si Erron! Said na ang pasensiya ko sa’yo, Lucas! Huwag mo akong sagarin!”
“Patayin mo man ako, wala akong magagawa. Hindi ko rin alam kung nasaan ang anak ko. Hindi pa siya sa amin nagpapakita. Hindi pa kami kino-contact. Iyon ang totoo at hindi ko alam kung bakit ang hirap ninyong paniwalaan? Bakit hindi kayo nakikinig? Ngayon, sa ginawa ninyong ito sa akin, iisa lang ang sigurado, babalikan kayo ng anak ko. Lahat kayo mamamatay. Hindi ninyo alam ang kapangyarihan niya. Hindi ninyo kakayanin ang kanyang lakas. Magtagumpay man kayong patayin ako, ngunit hindi siya. Babalik siya. Babalikan niya kayong lahat! Pahihirapan ka at papatayin kahit pa Mayor ka o maging Presidente pa n
