Chapter 31
Alalay ako ni Liam sa paglalakad hanggang sa makarating sa aming kwarto. Nanatiling tikom ang aking bibig at tulala pa rin hanggang sa makaupo sa kama. Pagkalapat sa pinto ni Liam ay sandali sya huminto habang nanatiling nakatalikod sa akin. Hapon pa lang pero parang gabi na, sa dilim ng kwarto at dahil sa makapal na kurtinang humaharang sa liwanag na nanggagaling sa labas.
Nanatili ako sa aking posisyon, ang mga kamay ko ay lihim kong hinihilot dala ng sobrang panlalamig. Parang maninigas sya dahil sa hindi ko maintindihang nararamdaman ko, parang wala ng dugong dumadaloy sa mga ugat ko. Sa isang iglap biglang nagbago ang lahat dahil lang sa pagtatagpo namin ng magulang nya. Naging kumplikado ang lahat, dahil ba sa akin? O dahil sa hindi namin napaguusapan ano ang dapat namin
