(LENA'S POV)
"Ma'am Marilena, naaksidente po si Sir Victor at ang secretary niya... P-Patay na po silang dalawa..."
Parang tumigil ang mundo ko sa narinig ko. Nabitawan ko rin ang cellphone ko sa labis na pagkagulat!
A-Ano'ng ibig sabihin niya??
Dali-dali ko ring dinampot muli ang cellphone ko sa sahig ng taxi. Nanginginig ang kamay ko na inilapat kong muli ang cellphone ko sa kanang tainga ko. Hindi na ako makapag-isip ng matino!
"Hello? Hello? Ma'am Marilena?" dinig kong kausap pa rin sa akin ni Mrs. Villaflor mula sa kabilang linya.
"Nandito pa po ako. Ano po'ng sinasabi mo na naaksidente si Daddy at ang secretary niya? 'Wag po kayong magsinungaling sa akin! 'Wag kayong magbibiro ng ganyan!" sigaw ko kay Mrs. Villaflor.
Hindi ko namalayang tumutulo na pala ang mga luha ko. Nangin
