Azriel POV
Kasalukuyan na naman akong nasa loob ng machine na ito. Katulad ng unang pasok ko rito ay napakadilim pa rin ng paligid at tanging mga monitor lamang ang makikita. Wala rin akong suot na pang-itaas bilang isa sa mga patakaran sa pagpasok sa loob nito.
Sa totoo lang ay pagod pa rin ang katawan ko. Hindi pa tuluyang nakaka-recover ang katawan ko mula noong unang pasok ko rito kahapon.
Napatingin ako sa monitor. Makikita rito si Vera na seryosong nakatingin sa direksyon ko habang katabi nito si Sin at nakalagay ang dalawang kamay sa loob ng magkabilang bulsa. Sa hindi malamang dahilan ay muli kong naalala ang nangyari kahapon. Alam kong nakita ni Vera ang mga itim na tinta sa dibdib ko. Noong una ay akala ko'y nananaginip lamang ako noong makita ko ito. Nagdugo pa ito kaya hindi
