“Si Mang Ben, kung saan namin paboritong kumain dahil masarap ang lugaw niya… isa siya sa mga taong nagipit ng tao sa likod ng negosyong binabangga mo ngayon, hija,” hayag nito sa akin.
Kasalukuyang nakadikit lamang ang mga mata ko sa mga pictures na ibinigay sa akin ni Kapitan Morales, ang pulis na kinukulit kong magkwento at tulungan ako sa nais kong gawin sa mga oras na ito. Ang mga litratong ibinigay niya sa akin ay isang matandang lalaki; na siguro ay siya ang tinutukoy nitong si Mang Ben. Iba-iba ang timpla ng mga larawan… mayroong litrato niyang nasa bukid at masaya, nasa sinasabi ng pulis na lugawan at may picture siya kasama ang mga workers at mga customers nila.
Samantalang ang dalawang huling litrato na tangan ko ay kuha ni Mang Ben sa isang damuhan at duguan ang ulo at kataw
