“Ano ka ba naman-” Napahinga nang malalim si Mama at siya na ang kumausap doon sa ante ni Keziah imbes na hayaan pa akong magsalita. “Ano ba naman ‘yang mga sinasabi mo sa anak ko? Dahan-dahan naman.”
“Binibiro ko lang. Ayaw sumagot, e.”
“E, sa tagal ba naman na hindi kayo nakita nitong si Ke, mangangapa pa talaga siya na kilalanin kayo. Ang daming nagbago sa inyo, sa way ng pananamit n’yo, sa pagsasalita at sa physical features. And you are expecting my daughter to recognize you so fast?”
“Hindi ka naman galit n’yan, Cynthia? Nagbibiro lang naman ako.” Tumawa pa ‘yong ginang habang hindi pa rin siya bumibitaw sa akin ng tingin.
May pakiramdam talaga ako na may kahulugan ‘yong mga tingin niya sa akin na ‘yon. Pakiramdam ko, e mayroon na siyang paghihinala sa akin. Pero dahil kasama
