“Kailan ba ako nagiging mahigpit sa iyo, Julie? Kung ang tawag sa ginagawa ko, e pananakal na sa iyo… what more kung totoo na talaga? Kasi ang ginagawa ko ay para protektahan ka. Maluwag pa nga ako sa iyo sa lagay na ito. Sa tingin mo makakalabas ka nang malaya nang walang sumusunod sa iyo kung nagiging mahigpit na ako?”
“Hindi mo pa talaga ako kilala, e.”
At maaari ding tama siya. Baka nga hindi ko pa siya gano’n kakilala kaya hanggang ngayon ay nangangapa pa rin ako sa pag-uugali niya at kung pabago-bago siya ng mood. Nakakainis isipin na nararamdaman kong sakal na sakal na ako sa kanya sa gan’tong punto na wala pa naman pala siyang ginagawa… and if that happens, baka kahit makasilip sa labas ng bintana ay hindi ko na magawa. Natatakot ako.
“Felix, kaya ko naman ang sarili ko. Kaya
