“What kind of business does he have?”
“Naninibago ako sa iyo, Julie. Ano namang nagtulak sa iyo na maging interesado sa business ni Felix? Hindi niya ba nabanggit sa iyo?”
“Magtatanong ba ako kung may sinabi siya sa akin, Melody?” naiiritang tanong ko. “Sana naman hindi sayang ‘yong effort ko na sadyain ka rito sa bahay mo para maghanap ng sagot. I don’t need a long explanation. I just need a short answer, mahirap ba ‘yong ibigay sa akin?”
“It’s very complicated,” tutol niya. Mula sa kusina ay agad siyang lumapit sa sofa kung saan niya ako pinatuloy habang bitbit niya ang isang tray na may laman na isang baso ng juice at tinapay. “Sa tingin ko… hindi ako dapat ang magsasalita ng tungkol doon. Tapos na ang duty ko sa inyong dalawa, ‘di ba? So, dapat hindi mo na ako pinagtatanungan ng m
