NASA dean's office ako ngayon. Nakayuko ako habang seryosong nakatingin sa akin si Mrs. Charo.
"Hmm... Sigurado ka na ba sa desisyon mo, Mel? Puwede pa namang magbago ang isip mo. Sayang na malapit ng matapos ang last semester," Untag nito sa akin.
Napatunghay ako sa aming dean.
"Ma'am, wala na akong maipangtutustos sa pag-aaral ko. Ayoko naman pong pilitin ang hindi ko kaya. Mag-isa na lamang po ako at importante ang kakainin ko sa buong araw kaysa pag-aaral ko."
Pinal na ang desisyon kong huminto ng pag-aaral. Wala na rin namang tutulong sa akin. At ayokong humingi ng tulong kay Della.
"Pero, hija. Puwede mo pa naman itong gawan ng paraan. Di ba, nagtatrabaho ka? Tsaka, kinausap na ako ni Mr. Mayer na sasagutin niya ang natitirang kulang mo sa tuition fees mo. Tapusin mo ang last s
