INILABAS ko isa isa ang mga pagkain na dala ko para kay tatay. Tahimik lang na sinusundan ng mga mata niya ang bawat galaw ko. Ramdam ko na mayroon siyang gustong itanong pero nauunahan lamang ito ng hiya.
"Kain na po kayo, tay," sabi kong aya sa kanya at naupo ako sa tabi niya.
"Bakit hindi ka kumakain? Hindi ko naman mauubos lahat itong mga dinala mo."
"E, 'di kainin niyo na lang po ang matitira o kaya po ay ibigay niyo ang iba sa mga kasama niyo. Inihanda ko po lahat ito para sa inyo," sagot ko at ngumiti kay tatay.
"Ang nanay mo, Mel. Bakit hindi mo siya kasama ngayon?" tanong ni tatay na hinahanap na si nanay sa akin.
Ito ang kinakatakot ko. Paano ako magsisinungaling kay tatay na hindi niya ako mabubuko? Ang hirap hindi magsabi ng totoo lalo na sa kanya.
"S-Si nanay po, may tra
