PUMATAK ang luha sa mga mata ni Elena, habang unti-unting nanginginig ang kanyang katawan. Labis siyang nahirapang lumunok.
"P-paanong nangyari? Hindi ba, ang lakas-lakas na ng aking inay, kahapon? Bakit bigla na naman siyang nasa kritikal na kondisyon?"
Kitang-kita ni Elena ang pagyuko ni Dr. Ramula. Hindi maiwasang makaramdam ng galit si Elena.
"I'm sorry, Miss Trinidad. Pero dahil sa dami ng sakit ng inay mo, posibleng mangyari iyon, pabugso-bugso ang sakit niya, kaya--"
"Ano ba naman kayo?! Doctor ba talaga kayo? Talaga bang ginagamot niyo ang inay ko? Isang taon na! Halos wala na akong pera pero 'di niyo pa rin mapagaling-galing ang inay ko! Nangako kayo na gagaling siya! Pero bakit, walang nangyayari? Bakit nasa kritikal na naman ang kondisyon ng inay ko!" Napasigaw na si Elena
