HINDI nagbaba ng tingin si Rozel habang ang Ninong Arc niya ay paunti-unting lumalapit sa kanya. Pakiramdam niya sa bawat hakbang nito lumiliit ang espasyo na tinatayuan niya. Nakakaramdam siya ng kaba. At sa labis na kaba hindi niya mapigilan ang manginig.
Nang tuluyan itong makalapit napatalon siya sa labis na gulat.
"Relax Rozella." Anito na nagpataas ng balahibo niya sa katawan. Para siyang aatakihin sa puso. Titig na titig ito sa kanya. Kakaibang pagtitig na hindi niya maipaliwanag.
Dama niyang kagagalitan siya nito, kaya naman bago pa ito magsalita inunahan na niya.
"Hindi ko po sinasadyang suwayin kayo Ninong, sorry po." Nanginginig ang tinig na aniya habang mariing nakapikit. Nang hindi ito nagsalita, nagmulat siya ng mga mata at tumingin dito. Nakatitig lang ito sa mukha n
