THE BILLIONAIRE'S DOWNFALL
CHAPTER 49
Third-personʼs Point Of View
Hindi alam ni Jerom kung ano'ng oras na dahil wala siyang cell phone at wala rin siyang suot na relo. Pero alam niyang kanina pa siya naghihintay rito sa rooftop ng abandonadong gusali. Maaga pa lang ay nandito na siya. Nililibang ang sarili. Pinapraktis ang sasabihin niya kay Luna kapag nakarating ito.
Bumaba lang siya saglit kanina upang kumain ng pananghalian at mabilis ding umakyat dahil nag-aalala siya na baka dumating na si Luna ngunit hanggang ngayon, na palubog na ang araw ay wala pa rin ito.
Hindi naman siya puwedeng umalis ng rooftop para sana puntahan ito sa pinagtatrabauhan niya dahil nag-aalala rin siyang baka dumating ito 'pag wala siya at isipin nitong niloloko lang niya.
Darating pa kaya si Luna? Iyon
