THE BILLIONAIRE’S DOWNFALL
CHAPTER 50
Luna’s Point Of View
Isang linggo na rin ang nakalilipas nang umamin si Sir Khalil. Umamin kami sa isa’t isa. Hindi ko alam kung papaano dumating sa puntong ‘yon pero alam ko sa sarili kong iba na rin ang nararamdaman ko. Ito ang kauna-unahan na magmamahal ako at gusto ko na ito na rin ang huli.
Alam kong napakaimposible na magkagusto si Sir Khalil sa akin. Isa akong ulila; mahirap at laking lansangan. Isa pa, kapag nalaman nito ang buong katotohana’y baka kamuhian niya ako. Iyon din ang inaalala ko ngayon, na kung papaano ako aamin sa kaniya.
Isang linggo na araw-araw kaming namamasyal at ipinaparamdam naman nito kung gaano katotoo ang kaniyang nararamdaman. Inayos na rin namin ang passport ko sa tulong ng kaniyang mga kakilala dahil aniya’y isas
