HUMALAKHAK LAMANG SI Emelia sa pagpapakita ko sa kanya ng aking galit. At ang mga tinawag niyang mga itim na espirito ay nakaamba nang sumugod. Sa kabuuan ng bahay ay namayani ang itim nilang puwersa.
Humanda kami ni Lolo Jose. Naglabas si lolo ng kahoy na crucifix na may imahe ni Jesus. “Mas mabisa ang pananampalataya sa Maylikha ano mang laban,” saad ni lolo. Nagbigkas siya ng dasal at nagliwanag ang kanyang mga kamay maging ang hawak niyang krus.
Nag-signed of Cross ako at nanalangin na gabayan kami sa laban naming ito kontra kay Emelia. Tama si Lolo Jose, na sa ano mang laban ay ang Diyos ang siyang dapat naming kapitan at ang aming pananampalataya sa Kanya ang aming pinakalamakas na sandata.
Ngunit pinagtawanan lamang kami ni Emelia. Demonyo talaga siya!
“Sir Jose, nais kong makit
