“SINO ANG PINAKAMALAKAS sa kanila?” tanong ko kay Emily. Kaharap na namin ngayon ang kanyang pamilya. Kapwa na kami halimaw. Katulad ko ang pagiging halimaw niya, napunit ang bunganga na may matatalim na pangil sa loob, pulang mga mata, matatalim na kuko, at ang kanyang mahabang kulot na buhok ay nilipad-lipad ng hangin na animo’y may sariling buhay. At kapwa rin namin tinapatan ang paglaki ng mga halimaw niyang pamilya. Ang kambal niyang kapatid ay animo’y mga mabangis na lobo na, na parehong nasa sahig ang mga kamay at paa. “Si mommy, siya ang pinakamalakas sa kanila,” sagot ni Emily. “Siya ang may pinakamatinding galit sa puso.”
“Kung gano’n, uunahin ko ang mga kapatid mo,” sambit ko. Hindi makikipaglaban si Emily. Nagliliwanag siya. Siya ang magsisilbing proteksiyon ko habang pinuprot
