ANG BUONG PAMILYA ng naghihinagpis na ina ay niyakap siya nang mahigpit. Nagliliwanag ang mga ito. Walang salita. Tanging pagmamahal lamang bilang isang pamilya ang naging komunikasyon nila at mga luha. Hanggang sa unti-unti ko nang nararamdaman ang pagluwag ng pagkakasakal sa akin ng halimaw na ina.
Si Emily, masuyo nitong hinihila ang kamay ng kanyang ina na may pagmamahal. Pagmamahal na taos at may pananabik.
Habang ang ama ay luhaang nakayakap sa likod ng kanyang asawa. Na nais na ng mainit na yakap ng katipan.
At ang dalawang batang lalaki ay nakayakap sa kanilang ina sa magkabila nitong paa. Kapwa umiiyak na nais ng yakap ng kanilang mahal na ina.
“Tama na, mahal ko,” sambit ng lalaki sa kanyang mahal na asawa.
“Mommy!” sabay na iyak ng kambal.
“Bumalik ka na, mommy. Bumalik ka
