- NAKALIMUTANG ALAALA - ULAN -
NASA TERRACE KAMI ni Sunshine. Nakatingin kami sa napansin naming natutuyong sunflower. Gumalaw ang mga halaman na tila sumasayaw sa pag-ihip ng hangin. Naglaglagan ang mga tuyong dahon mula sa mga puno sa paligid sa paglakas ng hangin. Unti-unting dumilim ang kalangitan dahil sa makakapal na itim na ulap, nagbabadya ang pagbuhos ng malakas na ulan.
Pumikit si Sunshine. Dinama niya ang ihip ng hangin. Parang isang dimensiyon ang ginagalawan nila. Nararamdaman nila ang isa’t isa. Sinayaw ng hangin ang kanyang mahabang buhok at dilaw na damit. Pumatak ang maninipis na butil ng ulan na unti-unting lumakas. Nabasa ako sa pagpasok ng ulan sa terrace. Pero si Sunshine, hindi. Nakatingin lang ako sa kanya hanggang sa pagmulat niya. Nagkatitigan kami. Inalok ko ang
