WALA LAHAT KAMING inaasahan na bisita. Nagkatinginan na lamang kami.
“Mang Bhoy, samahan n’yo po akong tingnan kung sino ang dumating,” sambit ko. “Lolo, Aling Maring, Sunshine, pumasok na kayo sa loob.”
Pumasok sina lolo sa mansiyon, at kami ni Mang Bhoy ay sa gilid na ng bahay dumaan upang puntahan ang nag-doorbell sa labas ng gate.
Huminga ako nang malalim, may kunting kaba sa dibdib ko. Dahil sa mga nangyayari, pakiramdam ko lagi na lang may mga matang nakatingin sa amin, na para kaming nasa wild na kagubatan at prey kami na may mga mababangis na predator na gusto kaming lapain.
Sinilip ni Mang Bhoy sa butas ng pedestrian gate ang nasa labas. “Walang tao, sir Lukas,” ani Mang Bhoy na napasalubong pa ng kilay.
Tumayo ang mga balahibo ko, may multo akong naramdaman. Walang imik na l
