“WAG KANG MATAKOT,” malumanay na sabi ni Dave kay Coleen nang makita kami nitong papalapit.
“Dave? Patay ka na, ‘di ba? Nakita ko sa news,” may takot na sambit ni Coleen.
“Coleen, kilala mo ako, right?” tanong ni Diana, pinapakalma niya rin si Coleen.
“Ikaw ‘yong pinalit sa akin ni Dave. Binalaan kita na lolokohin ka rin niya pero hindi ka nakinig,” sagot ni Coleen.
Napangiti si Diana. “Pero naging three years naman kami,” sabi niya. “Pero nasaktan pa rin ako, sinaktan niya nga ako gaya ng sabi mo.”
Ngumiti si Coleen. “Katulad ko na ba kayo?” tanong niya. Dumaloy ang kanyang luha. “Hindi ako makaalis sa lugar na ito. Hindi nila ako makita at hindi marinig. At tumatagos ako sa kanila?” sabi niya sa mga taong dumaraan. “Patay na ba ako? Multo na ba ako?”
Humakbang na ako palapit sa kan
