MAY KABA SA dibdib ko. Dahil alam kong malakas ‘di hamak si Emelia kay Sunshine, na maging dito sa taas ay nararamdaman ko ang puwersa nito. Kaya kailangan ko agad tapusin ang dalawang multong kaharap ko.
Ibinigay ko ang buong lakas ko at bilis sa pakikipaglaban sa dalawang itim na kaluluwang kalaban ko. Lumaki ako at pinahaba ko ang aking mga kamay, mas lumaki rin ang pagliliwanag sa aking mga palad. Ayaw ko na silang bigyan pa ng pagkakataon, ihahatid ko na sila sa dapat nilang kalagyan ngayon! Sa kabailang buhay!
“Aaaaaaaah!” sigaw ko. Sa pag-atake ng humaba kong mga kamay, hindi nakaiwas ang dalawang multo sa bilis ko.
Nahawakan ko sa mukha ang mga multo, malaki ang mga palad ko kaya halos nadakma ko ang buong mukha nila. Nagbigkas ako ng dasal na magbubukas ng itim na lagusan patun
