~ SUMUNOD SI EMELIA sa labas, at sumunod din ako. Ngunit pagkalabas ko ay tila ibang araw na ang nasasaksihan ko. Si Emily at ang mommy niya ay iba na ang suot sa suot nila kanina, at nasa sala na kami ng bahay. Bakas ang takot sa mukha ni Emily na ‘di makausap nang maayos ng kanyang nag-aalalang mommy at daddy. Nilibot ko ng tingin ang bahay, ito ang bahay 886.
“Anak, ano ba ang nangyayari sa ‘yo?” nag-aalalang tanong ng mommy ni Emily sa kanya.
Biglang nagpakita si Emelia sa harap ni Emily, tanging siya lamang ang nakakakita rito. Si Emelia ang dahilan ng pagkabalisa ni Emily. Sanhi ng kanyang labis na pagkatakot.
“Ikaw ay ako, ako ay ikaw,” nakangiting sambit ni Emelia.
Bigla na lamang nagsisigaw si Emily na mas lalong ikinabahala ng kanyang mommy at daddy na hindi alam kung ano ang
