NAABUTAN NA AKO nang paghinto ng ulan na nakatanaw lang kay Lukas kasama si Emelia na nakaupo sa lanai ng kanilang bahay. Kahit nang pumasok na sina Lukas at Emelia ay nanatili akong nakatanaw lamang. Tinatawag ko siya sa aking isipan. Baka sakaling sa paraan iyon ay marinig at maramdaman niya ako. Ngunit hindi…
Dumating ang van ni Lolo Jose. Walang kibo na pumasok ako sa sasakyan at sumanib sa aking katawan.
“Nandito sila Sunshine?” agad na tanong ni Dave sa pagdilat ko.
Naupo ako na mugto pa rin ang mga mata, ‘yong pakiramdam na tinabunan ako ng napakabigat at napakakapal na tela at hinayaan ko lang iyon na mangyari sa akin kahit pa mahirapan na akong huminga. Ang down ng pakiramdam ko at may awa ako sa aking sarili. Isang babaeng iniwan at kinalimutan ang tingin ko sa sarili ko at hi
