“EMELIA?” HINDI MAKAPANIWALANG nasabi ko. Ganito ang pakiramdam sa panaginip ko nang bigla na lang nilapitan ako ni Emelia. At ang sinabi niya ay ganoon din? Pero imposible ito. Sa gitnang dimensyon ay nakita ko si Emelia na naglaho nang ibigay niya sa akin ang sunflower na bumuhay noon kay Sunshine. Alam kong hindi ako maaring magkamali, nakita kong tumawid na siya sa kabilang buhay nang humingi siya ng kapatawaran at nang humingi rin ako ng patawad sa kanya para kina Lucio at Susan na dati naming buhay ni Sunshine.
“Ako nga, Lukas,” tugon niya.
“Hindi totoo ‘to!” sigaw ko.
Ngumiti siya. “Totoo ako. Nagbalik na ako, Lukas.” Inalis niya ang hood na nakapatong sa kanyang ulo. At tumambad sa akin ang kanyang mukha. Hindi nga ako nagkamali, si Elena. Ngunit bakit niya sinasabing siya si Em
