NAUNANG LUMABAS SI Mang Bhoy dala ang minamanehong itim na van. Tinted ang salamin noon kaya hindi kita ang loob. Iyon ang sasakyan na gamit namin sa paghahanap kay Lukas.
Makalipas ang tatlong oras, kami naman ang naghandang umalis dala ang aming mga gamit. Mga gamit na inimpake namin na dadalhin sa aming lilipatan. Dala ko lahat ng gamit na dala namin ni Lukas galing sa baryo Madulom.
Nasa loob na kami ni Aling Maring ng kotse na may tinted na salamin habang si Lolo Jose ay kausap sa cellphone ang magbabantay sa mansiyon habang wala kami. Nasa loob na rin ang aming mga gamit. Para kaming lilikas para takasan ang malakas na bagyo. Hindi ko talaga akalaing sa ganito kami mauuwi sa pagluwas namin mula sa baryo Madulom. Ang ilang taon na tahimik na buhay namin ni Lukas bilang mag-asawa na
