MAY NARINIG AKONG ingay. Napakuyom ako at nag-anyong halimaw. Hinanda ko ang aking sarili sa maaring magpakita. Nagbukas ang pinto. Hinakbang ko ang isa kong paa at naghanda sa pagsugod.
Sa banyo, may lumabas na isang lalaki.
“Iha, ginulat mo naman ako,” nabiglang sambit ni Lolo Jose. Siya ang lumabas mula sa banyo. “Bakit anyong halimaw ka?” pagtataka ni lolo.
“L-Lo, ikaw ba ‘yan?” tanong ko. Bumalik ako sa normal kong anyo na may pag-aalangan. Pati si lolo ay napagdududahan ko ngayon.
“Ako ito, iha,” tugon ni lolo. “May nangyari ba habang wala ako?” nag-aalalang tanong niya.
Natigilan ako. Napaisip. Dapat ko bang sabihin kay Lolo Jose ang mga gumugulo sa isip ko kahit pa hinala lamang ang mga iyon?
“Iha?” sambit ni lolo nang hindi ako magsalita.
Pero dapat kong sabihin iyon kay lo
