KINABUKASAN, MATAPOS NAMING mag-almusal at naghanda ng mga dadalhing gamit na para na kaming sasabak sa giyera, nagkumpolan na kaming lahat sa sala para sa ritwal na gagawin ni lolo Jose, ang ritwal ng paghahanap. Lahat kami may dalang mga bag na may ekstrang mga damit dahil baka malayo ang marating namin sa paghahanap. Hinala kasi namin, baka dinala sa malayong lugar si Lukas.
“Nasaan na iha ang bagay na mahalaga kay Lukas?” tanong ni lolo.
Nilapag ko sa center table ang sigurado akong napakahalaga para kay Lukas. Nahanap ko ito sa mga gamit niyang dala. At tsaka ko lamang naisip na lagi niya nga palang dala ang bagay na ito. “Iyan po ang mahalagang bagay para sa asawa ko,” saad ko. Larawan iyon, last picture na kasama ni Lukas ang kanyang mama at papa.
Napakatamis ng ngiti ni lolo nan
