ALEXANDRO’S POINT OF VIEW
Pagkababa ko ng tawag mula sa ama ko, nanatili akong tahimik habang tinatakbo ng sasakyan ko ang madilim na lansangan. Sa ibabaw, mukha lang itong ordinaryong gabi—walang gulo, walang kaguluhan. Pero sa mundo ko, ang katahimikan ay laging nagbabadya ng unos.
Ang impormasyon na nakuha ko mula sa ama ko ay hindi ko maaaring balewalain. May paparating na banta, at mukhang hindi lang basta maliit na grupo ang may pakana nito. Kung may plano silang manggulo sa teritoryo ko, lalo na sa lugar kung saan ako nagkukubli bilang isang mekaniko, kailangan kong maagapan ito.
Pero ang mas inaalala ko ngayon ay si Athena.
Hindi ko pwedeng hayaan na madamay siya. Hindi ko hahayaang masira ang negosyong itinayo niya sa loob ng isang taon—ang Karinderyang araw-araw niyang
