ALEXANDRO’S POINT OF VIEW
Malamig ang hangin sa labas habang binabaybay ko ang madilim na kalsada. Tahimik ang gabi, pero sa loob ng isip ko, walang katahimikan. Ang mga nangyari sa underground base kanina ay patuloy na umiikot sa utak ko. Hindi pa man ako tuluyang nakakaupo sa trono ng mundong ginagalawan ko, pero alam kong may mga mata nang nakatutok sa bawat galaw ko. Hindi ito simpleng laro—ito ay isang digmaan ng kapangyarihan, at kailanman ay hindi ako naging biktima.
Nasa kalagitnaan ako ng pagmaneho nang biglang tumunog ang cellphone ko. Mabilis kong sinulyapan ang screen, at sa sandaling makita ko kung sino ang tumatawag, agad akong napahigpit ng hawak sa manibela.
My father.
Ang lalaking bumuo ng halimaw na nasa loob ko.
Agad akong napangisi, pero hindi iyon isang masayang n
