Kinagabihan, may huling training pa sila.
“Advanced na ang mga gamit na ma-eengkwentro natin sa pagharap ng organisasyon na ito. Kaya sa training na ito, susukatin nito kung gaano ang level ng focus niyo, teamwork, at attention,” announce ni Maureen sa unahan. “Ang pares ay dapat na mapigilan na dumampi sa lupa ang anumang ipupuntirya sa kanila gamit ang ano mang parte ng katawan, maliban sa kamay.”
Natahimik ang lahat bago nagsitawanan.
“Game!” sigaw agad ni Katie saka tumayo mula sa pagkakaupo at hinigit ang katabi. “Ilang taon akong nasa organisasyon at sinasabi ko sa inyo, ultimo parang hibla na lang ng buhok, di mo aakalain na bomba ito. Na sa isang segundo ay abo ka na.”
Natahimik naman ang lahat.
Pumwesto na si Katie at ang kapareha na hinigit niya.
Nang makapwesto ay napuno
