"Ano kamusta na kayo ni Kris?"
“Ayos lang po,” sagot ni Evangeline sa pang-uusisa ng kaniyang tiyahin habang parehas na abala sa pagsasalansan ng mga cupcake.
“Akala ko di na kayo makakapunta. Hanga rin naman talaga ako sa tibay ng sikmura at kapal ng mukha mo,” mapait na sabi ng tiyahin.
“Pasensiya na po, pero wala naman po kaming pakay na gulo sa kasal ni Angelique,”
“Sabagay, mana ka naman sa mama mo na di marunong mahiya,”
“Tita, wag na nating idamay si Mama rito,”
“Sige. Maiba tayo, balita ko nga eh magbi-bid kayo sa pinsan nitong mapapangasawa ni Angelique?"
"Opo,"
"Mabuti naman. Oh, eh di pag nakuha niyo ang project, makakabayad na kayo ng utang?"
"Opo. Kaya sana po talaga makuha namin," naiilang na sagot ni Evangeline.
Noong panahon na nagkasakit si Evangeline, sa tiya
