ANG HULING dalawang araw ni Therese sa Corazon kasama si Benj ay na-enjoy niya nang husto. Hindi niya naisip na ang pagkikita nila ni Raphael ay magpapagaan sa kanyang dibdib. Nasasaktan siyang nagtapos na ang lahat sa pagitan nila pero may isang bahagi niya ang magaan. Iyong pakiramdam ng isang tao na may pasan na mabigat at inilapag iyon—iyong ginhawa, ganoon ang eksaktong pakiramdam ni Therese.
Na-realize niya, sa mga araw na lumipas na nasa Corazon siya ay dala-dala pala niya ang bigat sa dibdib. Sa pagpapakita ni Raphael, nasagot ang marami niyang tanong. Nawala na ang pag-aalala niya na baka kung napahamak na ito, at naging malinaw na rin ang dahilan kung bakit siya iniwan.
Masakit pero tanggap na ni Therese. Hindi siya galit kay Raphael o kay Rowell. Naghiw
