WALA sa loob na humigpit ang yakap ni Therese sa unan nang maramdaman niyang nakaupo na si Benj sa tabi niya. Wala pang alas-onse ng umaga pero pakiramdam ng dalaga ay nasaid na ang kanyang lakas. Parang ang haba na ng mga nakalipas na oras.
“Kumusta ang pakiramdam mo?” basag ni Benj sa katahimikan. “Gusto mong tubig? Juice? Kape?” alam niyang ganoon ang tanong ni Benj dahil sa pag-uusap nila ni Raphael.
“Dumating rin si Rowell...” ang nasabi ni Therese. “Kaya pala sabay silang nawala.”
Hindi umimik si Benj, inabot sa bed side table ang bottled water. Binuksan nito iyon at ibinigay sa kanya. Tahimik niyang kinuha ang tubig at uminom.
“Hindi alam ni Raph ang tungkol sa mga messages,” sabi ni Therese mayamaya. Bago sila naghiwalay ni Rapha
