“Sino ang… ang taong sinasabi mo, Raph?” nakakunot ang noong tanong niya. Isa lang naman ang taong nakakasama niya— Napasinghap si Therese, nagbalik sa isip ang mga kuwento ni Benj.
“My brother.”
“B-brother? Nag-iisa kang anak, `di ba?” lalong nag-umigting ang kutob niya.
“Half brother—si Benj.
Pakiramdam ni Therese ay yumanig ang Puting Paraiso.
Bago natapos ang pag-uusap na iyon, dumating si Rowell—humingi ng tawad sa kanya. Hindi raw nito pinlano ang kinahantungan ng kasal nila ni Raphael. Natanggap na raw nito ang katotohanang nakaraan na lang at matagal nang tapos ang relasyon nito at ng kanyang groom. Tanggap na rin nitong may pinipiling ibang buhay si Raphael. Teary-eyed na inamin ni Rowell na hindi ito tumigil na mah
