Muntik ko nang makagat ang dila ko dahil sa tanong niya at pasimpleng sumulyap sa nanay kong kumakain naman ng dessert. Makikita mo rin na maging sa pagkain ay naapektuhan na siya. Kung dati ay marami siyang kumain, ngayon ay pasundot-sundot na lang ang gana niya at minsan ay hindi na nauubos pa ang pagkain.
"Ang sabi ng doktor ay wala na talagang pag-asa at mas lalo lang siyang mahihirapan kung ipapa-opera pa siya. Nanghihina na siya at lumalaki na rin ang bukol niya sa dibdib," paliwanag ko sa kaniya bago siya nilingon. "Buwan na lang daw ang itatagal niya, Lucas." Walang emosyong dagdag ko, walang makapang labis na kalungkutan, ngunit wala rin naman makapang kasiyahan.
Siguro nga ay hindi pa ako ganoon ka-demonyo.
"Maybe we can still try? I know doctors overseas at expertise nila ang
