Nagising lamang ako sa iyak ng anak kong si Jax. Agad ko itong binuhat para padedehin sa akin, breastfeeding ang baby ko. Iyon kasi ang sabi ni lola Asyang mas masustansya raw ang gatas ng ina kaysa sa gatas na formula.
Totoo naman ang sabi ni lola, sapagkat sobrang taba ng baby ko kahit tatlong buwan pa lamang ito. Napatingin ako sa pinto nang biglang pumasok si lola.
"Bettina, kumain ka na ako na muna ang bahala riyan sa aking apo," saad ni ng matanda sa akin.
"Sige po," sang-ayon ko sa matanda. Pinahawak ko muna si baby Jax kay lola Asyang. Sa totoo lang ay labis na akong nahihiya sa matanda. Lalo ngayon hindi ako makakilos nang maayos, minsan kasi ay ayaw magpababa ng anak ko at ang gusto ay lagi kong buhat.
Hindi tuloy ako makatulong sa pagtatanim ng gulay sa matanda. Para kahit p
