CHAPTER 56
Mula sa malayo sa labas ng gate ng paaralan nakita ni Kharim na kumakaway si Dastan sa kanya. Mabilis siyang tumakbo para salubungin ang binata. Lumabas din mula sa loob ng itim na SUV si Cataleya at binati si Kharim. "Ma'am Cat. Kamusta po?" Magiliw nitong bati. "Okey naman. Ikaw, kamusta ang buong maghapon mo dito sa school?" "Masaya po, kasi ang dami naming bagong mga gamit at mga libro na babasahin." "Wow! Tama 'yun. Pero teka ginugulo ka pa rin ba nung mga bata nung nakaraan?" Singit ni Dastan. "Hindi na po kuya Dastan, at alam mo ba bigla silang nagbago at sa katunayan nga magkaibigan na kami." "Aba dapat lang. Mabuti naman kung ganun. Dahil kung hindi, naku---" na para bang may susuntukin sa gigil na banat nito. "Gusto mo ihatid ka na namin pauwi sa inyo?" Alok ni Cataleya.
- Writer
