SELENDRINA
PAGKALABAS NAMIN ng munisipyo ay hinablot ni Liam ang braso ko. Hindi man lang ako nakahuma dahil mabilis niya akong nahila palayo sa mga magulang at kapatid ko. Binuksan niya ang backseat ng itim na sasakyan at doon ako pilit pinasasakay.
"T-Teka. Hindi ito ang sinakyan ko kanina," protesta ko. Ngunit hindi naman ako makadaan dahil nakaharang ang malaki niyang katawan sa akin.
"I know but since mag-asawa na tayo, sa akin ka na sasama."
Agad niyang isinara ang pinto at lumiban sa kabilang side ng sasakyan. Napasilip na lang ako kina nanay na noo'y inaasikaso na ni Miss Nath para pasakayin sa van. Napalingon ako nang maramdamang nasa loob na si Liam. Napaigtad pa nang walang sabi-sabi niyang ikinabit sa beywang ko ang seatbelt.
"Let's go," utos niya sa driver na agad namang
