TAHIMIK ang buong kabahayan ng gabing iyon nang pumasok si Sergio. Mag-a-ala una na ng madaling araw nang makauwi siya mula sa inuman ng kumpare niya na may kaarawan. Naimbitahan kasi siya at dahil sa gusto niya rin na lumabas talaga ay hindi siya tumanggi.
Hindi naman siya ganoon kalasing. Medyo nahihilo at inaantok lang siya.
Hindi na nag-abalang buksan ni Sergio ang ilaw sa salas at dumiretso na siya sa pag-akyat sa hagdan.
Pagpasok niya sa kanilang silid ni Lorena at naabutan niya na gising pa ang asawa at nagbabasa ng libro. “Sergio! Mabuti at nakauwi ka na.” Agad nitong binitiwan ang libro upang salubungin siya.
Inalalayan siya nito hanggang sa makahiga siya sa kama. Maingat nitong hinubad ang kaniyang sapatos at medyas. Isinunod nito ang pang-itaas at pantalon niya. Tang
