AKALA ni Cedrick ay namamalik-mata siya nang makita niya si Joshua sa labas ng kanilang bahay habang naninigarilyo. Kakababa lang niya ng kotse at iyon ang agad na sumalubong sa kaniya. Ilang beses pa niyang kinusot ang mata at baka mali ang nakikita niya pero si Joshua talaga iyon, e!
Nag-matured nang husto ang hitsura nito dahil sa balbas at bigote pero alam niyang ang nawawalang kapatid niya ang lalaking iyon. Tuluyang pumasok si Cedrick sa bakuran nila at huminto sa harapan ni Joshua. Bahagyang nanlalaki ang mata niya sa labis na pagkabigla.
Nakakalokong ngumisi ito sabay tapon ng sigarilyo na tapos na nitong hithitin. “Bakit ganiyan ang reaksiyon mo, kuya? Para kang nakakita ng multo, a!” anito.
“Talagang bumalik ka pa rito matapos mong dumihan ang pangalan ng pamilya natin
