PASURAY-SURAY na binuksan ni Sergio ang gate ng kanilang bahay. Pagkapasok niya at pagkasara niyon ay sumandal muna siya saglit dahil pakiramdam niya ay mabubuwal siya. Ipinikit niya ang mata at ibinukas din agad. Nag-ipon siya ng lakas bago sinimulang maglakad ulit.
Napadami kasi ang inom niya tapos ang taas pa magtagay ni Luna na para bang sinasadya nito na lasingin siya. Nagtataka nga rin siya kung bakit biglang sumulpot doon si Luna at tila interesado ito sa nangyari kay Roxanne. Pero sa tingin niya ay wala naman siyang sinabi rito na ikakapahamak niya dahil ang sinabi niya ay ang talagang nangyari ng gabing iyon base sa narinig at nakita niya.
Sumalubong kay Sergio ang kadiliman ng salas. Inaantok at lasing siya kaya hinahanap ng katawan niya ang malambot na higaan.
Alam ni
