"Hahaha! Daddy!" Natatawang sigaw ni Cristina habang kinikiliti ito ni Luigi.
Hindi tuloy nila mapigilan ang mapangiti habang pinagmamasdan ang dalawa.
Tapos na ang party at narito sila sa sala ngayon at nagsasaya ng sila-sila na lang dahil naka-alis na rin ang mga bisita. Sa mesa ay napag-usapan ang nangyaring birthday at proposal, umiinom sila ng wine kasama ang Mama nila at ang mga magulang ni Luigi.
Samantalang si Luigi ay abala naman sa pakikipaglaro sa mga bata.
"Nakakatuwa silang tignan." Wika ng
Mama Zen nila kaya lumapad lalo ang ngiti ni Candy.
"Ganyan talaga ang anak ko. Napakahilig sa bata. Kaya masayang masaya kami na finally, malapit na talaga namin maging apo ang mga batang iyan. At soon, baka naman pwede pang humirit ng isa pa?" Sabi naman ng Mama ni Luigi kaya nap
