HINDI ko maipaliwanag kung ano ba ang aking dapat na maramdaman. Alam kong hindi ko dapat isipin ang nakaraan namin ni Vaughn, pero hindi ko naman magawang kalimutan kung paano niya ako iniwan, kung paano niya ako sinaktan at kung paano niya kami ipinagtabuyan ng anak ko.
Ilang oras na akong nakatingin sa salamin, at ilang oras ko na ring tinanong ang aking sarili kung kaya ko na ba? Kung handa na ba ako? Kung magagawa ko na bang harapin ang taong naging dahilan ng pagdurusa at paghihirap ko.
Ngayong gabing ito, maraming magbabago. Ngayong gabing ito alam ko rin na makikilala na niya ako. Magkakausap kami, at saka hindi umiral ang sariling emosyon ko.
"Bes, are you ready?" Bahagya pa akong nagulat nang biglang pumasok si Kyler. Napangiti na lang ako nang makita ang kaniyang ayos. Bag
