Kinabukasan habang paalis sa ospital ay nagkaproblema na. Biglang inatake ng panic attack si Jessie. Nasa lobby na sila ng nagsimulang umiyak at sumigaw si Jessie.
Kaagad umalalay si Ricky sa reyna at sa bunsong kapatid.
"Anong problema?" tanong ni Joey.
"Nagpanic attack si Jessie. Halos ayaw kumalma," wika ni Drew.
Lumapit si Joey kay Ricky na pinakakalma ang kapatid.
"Nandito lang kami, Jaja. Walang mangyayaring masama," wika ni Ricky.
"Ate Joey!" ani Jessie na nakayakap kay Ricky.
"Anong problema?" tanong ni Joey kay Jessie.
"Ayaw ni Jessie sumakay sa sasakyan namin," anang reyna.
"Trauma," sagot ni Ricky.
"Doon na po kayo sa sasakyan namin. Palit na lang po tayo," mungkahi ni Joey.
"Salamat," anang reyna.
"Papa pakiusap, huwag nyo akong iwan," takot na wika ni Jessie.
"Oo.
