Pagbalik muli sa kwarto ni Joey ay muli syang dahan-dahang humiga.
"Magpahinga ka na Joey. Susunod daw si Ricky maya-mayang kaunti dahil kailangan nyang makausap saglit si Heneral Eagle," wika ni Drew na inalalayan ang dalaga.
Ilang saglit lang ay dumating si Ricky. Halatang pagod na pagod pa rin ito.
"Pasensya na, may inayos lang ako," wika ni Ricky.
"Kain tayo. Nagdaan ng pagkain si Mike bago umalis," alok ni Drew.
"Sige. Salamat," ani Ricky.
"Sumabay ka na sa amin," yaya ni Joey.
"Salamat. Ikaw ang dapat kumain para maka-recover ka kaagad," sabi ni Ricky na ngumiti.
Kaagad syang umupo at sumandal sa upuan.
"Ric, kumain ka muna. Huling kain mo kahapon pa ng umaga," wika ni Drew.
"Mamaya na lang. Wala talaga akong gana, bro," tanggi ni Ricky.
"Hindi maganda iyan. Wala ka pang m
